Aiman Batang Ai

From the Blog

Abg Jo ngarapka Hornbill Skyway ulih nyendiaka servis bilun sangkai atas ai

Taken from Utusan Borneo
http://www.utusanborneo.com.my/content/abg-jo-ngarapka-hornbill-skyway-ulih-nyendiaka-servis-bilun-sangkai-atas-ai

Tarikh Terbit: Selasa 5 Januari 2016
Kategori:
Berita Iban
KUCHING: Menteri Dagang Temuai Datuk Amar Abang Johari Tun Openg ngarapka Hornbill Skyway deka ngambi tanggung pengawa nyendiaka servis bilun sangkai atas ai di tasik Batang Ai.

Ku iya, dulu agi ari tu MasWing udah diberi tanggung pengawa nya tang nyentuk diatu perambu nya lalu bedau dikemujur.

“Aku udah kala ngasuh MasWing bejalaika pansik sentang servis bilun sangkai di atas ai.

‘Enti MasWing enda ulih nyendia servis nya, aku ngarapka tanggung pengawa nya diberi ngagai Hornbill.

“Awakka kompeni bilun nengeri tu nangkup tanggung pengawa nya,’ku iya rambau bejaku ba pengerami nyerah kunchi Aiman Batang Ai Resort and Retreat ngagai Planet Borneo lodge Management Sdn Bhd ditu, kemari.

Iya ke mega Menteri Pengawa Berumah madah engka penyampau belanja RM500 juta diguna ungkup atur nyendia bilun nya.

Kelimpah ari Batang Ai, iya mega madah bilun nya ulih dikena nyendia servis pengangkut di tasik Bakun enggau Murum.

Ngenang pekara bukai Abang Johari madah deka minta pemendar kabinet menteri ngambi kompeni luar ulih diberi kunterik nyendia palan ngengkah entukar enggau tanda jalai di Gua Wing enggau Gua Fairy di Bau.

Ku iya pemendar nya ulih nentuka kededua gua nya diangkat manah agi lalu tau matak mayuh agi temuai datai.

“Ba penemuai aku ngagai kampung batu di Kyomming, China bedau lama tu tadi, aku merati Gua Fairy enggau Gua Wing di Bau nyemaka kampung batu Kyomming.

“Aku pechaya enti diintu kompeni luar arika diintu perintah, kededua gua nya ulih nyadi palan pematak temuai ke tebilang,”ku iya nandu.